Leikstjórinn Celine Song dregur upp „glans“-mynd af heimi þar sem vald, peningar og tilfinningar togast á – með beittu auga fyrir samtímanum.
Leikstjórinn Celine Song, sem vakti heimsathygli með hinni ljóðrænu og tilfinningaríku Past Lives, snýr nú aftur með sína aðra kvikmynd – Materialists. Hér víkur hún frá rómaðri fortíðarþrá og beinir sjónum sínum í staðinn að glitrandi yfirborði samtímans – að þessu sinni á skoplegan hátt með skarpri samfélagsrýni, þar sem heimur dýrrar tísku, stéttaskiptingar og flókinna sambanda í New York er í forgrunni.
Vald, ástríða og yfirborðsleg fullkomnun
Í aðalhlutverki er Dakota Johnson sem Lucy, sambandsmiðlari í New York, sem á í flóknum samskiptum við tvo mjög ólíka karlmenn: Harry (Pedro Pascal), glæsilegan og auðugan nýja kærasta hennar, og John (Chris Evans), fátækan fyrrverandi kærasta hennar sem heldur áfram að hafa áhrif á tilveru hennar. Á yfirborðinu virðist allt glansandi og glæsilegt, en undir niðri krauma tilfinningar, valdaójafnvægi og spurningar um hversu langt fólk er tilbúið að ganga fyrir öryggi, ást og stöðu. Song leikur sér að mörkum húmors og óþæginda á sinn einstaka hátt og dregur upp mynd af heimi þar sem frelsi, ást og fjárhagslegt öryggi togast sífellt á.
Kvikmyndin var sýnd á kvikmyndahátíðinni í Cannes 2025 þar sem hún vakti töluverða athygli. Margir gagnrýnendur hafa bent á að Materialists dýfi sér í flækjur sem tengjast stefnumótum, efnahagslegri óvissu og þeirri áhættu sem fylgir því að berskjalda sig í nánum tengslum.
Skörp og stílhrein samfélagsrýni
Stíll Songs einkennist af blöndu af húmor og óþægindum, þar sem hún leikur sér að væntingum áhorfenda og teiknar upp margræð sambönd í samfélagi þar sem peningar og áhrif ráða ríkjum.
Materialists hefur verið lýst sem sjónrænt heillandi verki og ögrandi í senn. Fyrir þá sem hafa gaman af svörtum húmor, spennuþrungnum samböndum og kvikmyndum sem varpa fram spurningum um siðferði samtímans ætti Materialists að vera frábær kvikmyndaupplifun. Myndin verður frumsýnd í Sambíóunum og í Smárabíó fimmtudaginn 12. júní næstkomandi.
Ungur og metnaðarfullur hjónabandsmiðlari í New York lendir í flókinni stöðu þegar hún festist í klemmu mitt á milli hins fullkomna manns og ófullkomins fyrrum kærasta síns. ...